|
عيني بكت جزعه من أحداث الأيام
وأدمت فؤادي والمشاعـر حزينـه دمعٍ نزف من محجر العين منضام والقلب من حزنـه تزايـد ونينـه هليتها عبره تذعذع بـا الأنسـام من قصةٍ تبكي لها الرجـل عينـه الله وأكبر لا قسى الـزوج ظـلام من قسوته يظلم وتبطـش يدينـه سود اليدين بكل مفهـوم الإجـرام أودت بروحٍ عنـد أهلهـا ثمينـه وش ذنبها راحت من أسبابك حطام تحسب بنات الناس عندك رهينـه جاتك تمنى تقضي أعوام وأعـوام تركب معك موج الفرح فا السفينه سفينةٍ ترسي على شـط الأحـلام شط الحياة اللي عليهـا السكينـه طير الفرح غرد بعد حضهـا قـام قالوا لفـاك الـزوج لا تتركينـه ما تدري إن المعرفه نابهـا سـام عرفك وعرف أهل القلوب الدفينـه أخذتها بعفـه وعيشتهـا أوهـام يا ناكر المعـروف فعلـك غبينـه ما خفت رب الكون با السر عـلام يعلم دبيب النمـل يسمـع حنينـه جريمتك منها بري ديـن الأسـلام حتى مخاليـق المـلا مستشينـه مسكين أبوها ذاق حسـرات وآلام والأم في ذكرى ضناهـا سجينـه يا رب تجبرهم على البعد بإلهـام المؤمن الصابر تـرى الله يعينـه واللي توفت جعلها حسن وختـام يغفر لها المعبود محصي سنينـه تكتب لها الفردوس يا رب الأنـام منزالهـا جنـاتـك المستزيـنـه ولا أنت يا المجرم مصيرك للأعدام الله حسيب نفوس تعبـث بدينـه يا رازق نفوسٍ ويا منشي إعظـام تاقف مع المظلـوم وتـرد دينـه |
رد: عيني بكت جزعه من أحداث الأيام
طرح جدا موفق يعبر عن احساس راقي بالكلمه يعطيك العافيه اتمنى ان يدووم هذا الينبوع المتدفق من الا بداع دمت ودام تو اجدك هنا تحياتي وتقديري |
| الساعة الآن 10:38 AM. |
Powered by vBulletin® Copyright ©2000 - 2024