منتديات الاميرة يارا - اقسم قسم بالله لصوت مشتاق

اقسم قسم بالله لصوت مشتاق
كفي بعد مشتاق يلمس كفوفك

مشتاق اخاف اموت من كثر الاشواق
بس الصراحه عاد مقدر اشوفك

اخاف اذا شفتك بدينا بالعناق
وتنثر عيوني دمع في وسط جوفك

خلي الدمع مستور في وسط الاعماق
لاعاد تبليني واغرق كتوفك

خلني معا همي وغمي ولارهاق
في كل ليله تجتمع مع طيوفك

في كل ليله الشوق يحرقني احراق
واخلقلك اعذارك واقدر ضروفك

غايب ولك سنتين حاضر بالوراق
كل القصايد ماخلت من وصوفك

حتى قصيدي صار غنوه لعشاق
جزل القصايد صغتها من حروفك

وفي غيبتك ماضقت مير الصدر ضاق
واعيش مع ضيقي ولاقدر اعوفك

والحين راجعلي بعد هم وافراق
من بعد مازالت ضنونك وخوفك

ماطيق انا بعدك ووصلك مينطاق
حاير انا مبين اجيك واطوفك

لاكن قسم بالله مشتاق مشتاق
ودي اشوفك بس خايف اشوفك