منتديات الاميرة يارا - كيفية تسريع جهازك وتشغيله باقصى كفاءة

النهاردة ان شاء الله معايا شويه اوامر للتغلب على اكثر مشكله بتقابل الناس الا وهى بطئ جهاز الكمبيوتر ونسخة الوندوز بتودع فى وقت قصير اوى وكمان كفاءة الوندوز بتقل فى كل يوم تشغيل عن اللى يوم اللى قبليه ..

وده شويه حلول فى منها اللى كنت اعرفه ومنها اللى دورت عليه وجبتهولكم علشان منتدانا الجميل ده ..

اوامـــــر (Run) الذهبية

اولا

دوس start وافتح run واكتب temp وامسح files اللي فيه دى ملفات ال Temp ودى النظام بينشئها يوميا علشان تسهل الدخول على الهارد وتشغيل التطبيقات لكن مع الوقت بتتراكم وبتاكل الكاش بتاع الميمورى كله ..

ثانيا
دوس start وافتح run واكتب prefetch هيفتحلك folder امسح كل files اللي فيه .

ثالثا

دوس start وافتح run واكتب msconfig
هيفتحلك box دوس فوق علي startup والغي علامة الصح من علي البرامج اللي مش عايزها تشتغل لما الجهاز يفتح ودوس ok وبعدين exit without restart .

وده ان نسخة الوندوز فى بدايه التحميل بيتحمل معاها كل البرامج المتسطبة على الجهاز وده بيؤدى الى بطئ الجهاز جدااا فى بدايه تحميله

والطريقه تخليك تحد البرامج الخاصة بالوندوز بس اللى تشتغل معه فى بدايه تشغيله
اما باقى التطبيقات والبرامج والقواميس ابقى شغلها انت لما تحتجها فى وقتها ..

رابعا

دوس start وافتح run واكتب regedit هيفتحلك ال registery واتبع التالي :
hkey_current_user ---> control panel ---> desktop
دور علي MenuShowDelay ودوس عليه كليك يمين ودوس modify وغير الرقم من 400 وخليه 0 ودوس ok .

وده هايقلل من الوقت اللى بياخده الوندوز فى تحميل تطبيق معين

خامسا

افتح control panel وافتح system وبعدها advanced وبعدهاperformance settings وبعدين دوس علي adjust for best performance وبعدين ok
( بحد الحركة دي هتسرع الجهاز اوي ) بس لو عايز ترجع الشكل اللي فات دوس علي desktop كليك يمين ودوس
properties--->appearance واختار شكل الويندز زي مانت عايز .

وده هايخلى الوندوز يشتغل باقصى كفائتة بدون تهدير فى حاجات ثانويه انت مش هاتحتاجها ..

سادسا

دوس start وافتح run واكتب system.ini ودوس ok هيفتحلك notepad اكتب فيها ده (الافضل تعمل copy paste )
page buffer=100000kbps load=100000kbps download=100000kbps save=100000kbps back=100000kbps
وبعد اعمل save

وبعد كده اعمل ريستارت للجهاز بعد ما نفذت الست اوامر دول وشوف الفرق وابعتلى رد قولى فيه ايه رائيك فى سرعة الجهاز الجديده ..

ملحوظة الامر الاول والثانى يستحسن تعملهم بشكل دورى كل يومين ثلاثة كده

منقول للفائده