منتديات الاميرة يارا - شوفو الفرق بين البنات والاولاد في الفسحه..~

شوفوا الفرق بين الشباب والبنات في الفسحة .. إذا رن الجرس ..

أولاً : البنات ..

- تشوف شلة بنات داخلات الحمام .. اللي تعدل شعرها والثانية تعدل كحلها وكل وحدة منهم تسولف عن اللي سوته في اخوها الصغير امس ..

- وفي بنات يلبسون نظارات شمسية جديدة ( توهم شارينها من أبو ريالين ) يستعرضون فيها وإذا زلت بنت لا قدر الله وسألتها عن ماركة النظارة تنطط الأرانب وتقول والله من كرستيان ديور أو شنل وتقوم تطلع كلللللللل أرانبها الماركة أصلاً هي
( ماخذينــه مــن البقالة اللي قدام البيت )

- كل بنت تمشي وفمها كافي ( شكولاته ) واذا عطيتها شبس تقولك : سوري .. انا مسوية ريجيم .. ( الله واكبر ) .. اول ماترجع البيت الله يستر على صحن الرز لا يروح في فمها ,,

- والبنات الاذكياء ( اللي مهتماااااااااااات )
اول مايرن الجرس تشوفها داخلة غرفة المدرسات تبي الاستاذه تشرح لها الدرس اللي كانت هي متغيبه فيه

- وبعض البنات اتشوفهم ناطين ورى اليــدار يحلون واجب الرياضيات اللي ماحلوه في البيت ..

- اما الاهم ..
تشوف بعض البنات يستأذنون من الحصة قبل البريك بثلاث دقايق ويركضون الكافتيريا يحجزون لهم مكان – واول مايرن الجرس تلقى الاكل كله مخلص مافيه الا عصير يتهاوشون البنات عليه واخرتها يطلع منتهي ......

خلونا من البنات وانروح انشوف شــو يسووووون الشباب في الفسحة يعني حراام وايد تكلمت عن البنوتات..

ثانياً: الشبااااب ..

- تحصل واحد منهم نايم طول الحصة واول مايرن الجرس يدعي على اليوم اللي دخل فيه المدرسة ( لان حلمه انقطع بسببهم )

- واثنين من الشباب ينتظرون متى يروح المدير اللي صار له واقف ساعة قدام الباب واول مايتحرك خطوتين يشلون نعالــهم،( اكرمكم الله ) وينطون من اليــدار ويعطون ( اي يهربون ) من المدرسة ويمرون على كم محل في طريقهم وبعد نص ساعة يرجعون المدرسة ..

- وشله تروح ورى المدرسة يدخنون لين ما يقولون بس وما امداهم يشفطونها الا واحد كشخة رايح يفتن عند المدير وما يدرون الا المدير حابسهم في غرفة الوكيل ويتــصـل تليفون حق ابائهم ..

- اما واحد تشوفه فارش غترته على الارض ويكمل رقاده ( لان طول الليل مارقد يشوف فلم وجالس ع المسن والا يكلم صاحبته ولا يلعب بلاي ستيش )

- وإلي يشرد من المدرسة الحصة الأخيره عسب يلحق على باصات البنات حتى يلحق وراهم ومب الكل .

- وبعضهم مب عايبنهم أكل المدرسة يروح يدق عالدكان واييب لهم أكل من برع 2 همبرجر و2 شاورما و2 ببسي وبعد الله يستر مب الكل طبعا.