منتديات الاميرة يارا - (( يُــــــوُم آلــــوِدَآع....!! ))

جاء يودعني وفي يده رساله..
والدموع اتسيل من عيني وعينه..

قلت أحبك قال أنا أطلبك الجماله..
استر اللي شفته بزينه وشينه..

ما تخيلت الموادع يوم قاله..
في يديني كنها ترجف يدينه..

للمتاهه كيف جرّتني حباله..
والليالي وقفت بيني وبينه..

الرساله ما اكتفت تبغي إطاله..
والمساحه الخاليه عندي ثمينه..

طرّز الألفاظ من روعة جماله..
والعبارات بمعانيها متينه..

أطلق أفكاره ولا قّيد خياله..
وأرسل أبياته وذكرانا الدفينه..

راسمٍ قلبه وانا قلبي بكاله..
راسمٍ سهمين وحروفٍ حزينه..

دوّن التوقيع بأسفلها وشاله..
طامعٍ في حبنا ترجع سنينه..

قال يمكن حبنا يسطع هلاله..
مادرى أن الوقت للماضي رهينه..

الزمن قرّر محد يوقف قباله..
من تحداه الزمن ربي يعينه..

انحنى راسي وضميت الرساله..
وجيت اضمّه واختفى ويني ووينه..!!