align=center][tabletext="width:70%;background-image:url('http://www3.0zz0.com/2013/06/29/15/847538031.gif');border:10px groove orange;"][cell="filter:;"][align=center]

روّحت لي الف همسه من شفاتك
والرهين الروح من يطلق سراحه

زيّني وجه الليالي من صفاتك
واحرمي حلم القطيعه من نجاحه

وقّفي للشمس من اربع جهاتك
والشبه يعطيك حق الاستباحه

ارسلي فيّ الغلا من طيب ذاتك
واتركي طير الفرح يرقا جناحه

ابعديني عن مرامي فلسفاتك
واطلقي كل الاعنّه للصراحه

هاتي اجمل شي من قصة حياتك
وامنحيني شي من تلك المساحه

اثبتي للمهتوي قوّة ثباتك
واغرقي راع السماحه با السماحه

عانقي حشمة شموخك في عباتك
وزاحمي حشمة شموخي با البراحه

امنعي كيد العطا من معطياتك
وصافحي كف الوفا راحه براحه

يا حلا جدّك حلا ومجاملاتك
يا حلا كل الحلا بيدك وشاحه

مرني طيف الغرام وذكرياتك
يا مسا همس الوليع ويا صباحه

[/align][/cell][/tabletext][/align]