منتديات الاميرة يارا

منتديات الاميرة يارا (https://www.yar7.com/vb/index.php)
-   منتدى الخواطر وهمس الكلام (https://www.yar7.com/vb/forumdisplay.php?f=34)
-   -   من بغى الفرقا لقى له عذر واسباب ودليل .. قصيده قويه (https://www.yar7.com/vb/showthread.php?t=64)

الاميره يارا 03-03-2011 11:54 AM

من بغى الفرقا لقى له عذر واسباب ودليل .. قصيده قويه
 



.. من بغى الفرقا لقى له عذر واسباب ودليل
خل عنك العذر والاسباب دام الحب ضاع

كان ودك بالفراق ابشر عسى عمرك طويل

لا تردد وانت لك كلمه وامرن مطاع .

لي عليك انك تبت بكلمتن تشفي الغليل
ولك علي اني لآوقف وقفة الرجل الشجاع

لا تجاملني مخافة (قال) مدري خوف (قيل)

عمر هرج الناس ما يسمن ولا يغني جياع .
كان قصدك سر حبك اوعدك لآصبح بخيل
واحمل اسرارك معي للموت قدر المستطاع
بس قلها قل ما احبك وابشر بصبرن جميل

لا تحسبني مثل من طبعهم لوي الذراع

صاحبك ما هو كذا يا صاحب القد النحيل

صاحبك طبعه غريب وغربته غربة طباع

فالهوى ما يقبل الحل الوسط ولا القليل

مثل ماهو لاشرى يشري وليا من باع باااااع .

ثابت لو هي تميل الارض تحته ما يميل

يدري ان الفقر ما هو عيب والدنيا متاع

ما عشق لذة حياته كثر عشق المستحيل

ولا كره حتى مماته كثر كره الانصياع

كم تعلم من شديد البدو وش معنى الرحيل

وكم تعلم من غروب الشمس وش معنى الوداع

وكم تعلم من سحاب الصيف وش معنى الحصيل

وكم تعلم من ليال البرد وش معنى الضياع

ايه انا هذا طريقي (موحش ..وصعب .. وطويل ..)

وانك لا منك تعبت العالم فجوجه وساع

اعتبرني في بداية سكتك عابر سبيل

ورح وانا قلبي معك من وين وجهت الشراع

(,..يكفي اني لا ذكرت في سالفة عشاق قيل ..عاشر احبابه شجاع .. وفارق احبابه شجاع

مجموعة انسان 07-11-2013 08:49 PM

رد: من بغى الفرقا لقى له عذر واسباب ودليل .. قصيده قويه
 
طرح جدا موفق يعبر
عن احساس راقي بالكلمه يعطيك العافيه
اتمنى ان يدووم هذا الينبوع المتدفق من الا بداع
دمت ودام تو اجدك هنا
تحياتي وتقديري


الساعة الآن 04:59 PM.

Powered by vBulletin® Copyright ©2000 - 2024

site-xml RSS RSS2 ROR J-S PHP HTML XML Sitemap tags