منتديات الاميرة يارا - هات القلم ياحسين

هات القلم ياحسين
صالح آل دوح
هات القلم ياحسين واكتب لـي أبيـاتدام المعـنـى صـــاغ حـلــو الـقـوافـي
وازخــرف أبيـاتـي بـزيـن الـعـبـاراتهرج الوفـي ماهـوب هـرج المجافـي
وأرسـل بيوتـي عـبـر كــل المحـطـاتوأعلـن عــن لسـانـي كــلام يضـافـي
وضح لمن يسـأل عـن الحـال بالـذاتقـل لـه يحمـد اللـي كريـم (ن)معـافـى
واللي سأل عن حزني اللـي بالأبيـاتقل لـه وجـع سـود السنيـن العنـا فـي
ياحسيـن أنـا عديـت عالـي الطويـلاتوأشوف جو(ن) يابن ابي غير صافي
يامسـنـدي هــاك النصـايـح جمـيـلاتوصـي بهـا طـارق مـادامـت عـوافـي
قل لة تـرى وقـت العنـاء فيـه ميـلاتخـذ مابـدأ منهـا وشـف ويـش خـافـي
خذيـت أنـا والوقـت صولـه وجــولاتمـع سنيـن(ن) يابـو طــارق عجـافـي
وصبـرت فـي دنيـا التعـب والمتاهـاتاشــد وارخـــي والـخـوافـي خـوافــي
واصبر على عوج وقصار وطويـلاتمـع أن حـزنـي فــي عيـونـي يشـافـي
واجامـل الحاضـر واجـاريـه بسـكـاتوامشي معه في كل علـم(ن) موافـي
وأبـيـن انــي مبـتـهـج كـــل الأوقـــاتواجحد عليه اللـي فـي الصـدر خافـي
يامسـنـدي لــو حــدك الـوقـت حــزاتاصـبـر عـلـى جــوره وخـلـك سنـافـي
وافهم تـرى وقـت الفـرح والمسـراتوقـتـه قصـيـر وينقـلـب لـــك تـجـافـي
لامن ظروف الوقـت جاتـك عسيـراتاصبـر وشيـل الحمـل لوصـار ضافـي
خلـك مجـمـل بــا لصـبـر زى مـاجـاتونـور الأمــل شـبـة لــو كــان طـافـي
وقد له من الخفاق يـا حسيـن لمبـاتعلـه يـجـي فــي مابـعـد عـلـم شـافـي
وعــرب كـلامـك لايـجــي فـيــه زلاتهـرج الكفـو لـو طــال مـاهـو يعـافـي
من روعته يصغي له الناس ساعـاتوالفسـل مـن يـهـرج يقـولـون كـافـي
خاوالـرجـال الـلـي تشـيـل المـهـمـاتهـم عزوتـك لمـن هــرب كــل هـافـي
والرجـل يامشـكـاي فــي كــل عــداتيكفيـه بيـن الـنـاس مــن قـيـل وافــي
وأنا أعرفك راقـي الرجـوم البعيـداتللمرجـلـه تمـشـي ولــو كـنـت حـافـي
وختام هرجي صلوا ازكـى الصلـواتيـا مـن قـرى فـي كـل الأحيـان قـافـي
علـى النبـي خاتـم جمـيـع الـرسـالاتعــد الــذي بالـحـج يـسـعـى وطـافــي