قصيدة لأم بعد ان نفاها ابنها في دار المسنين
قصيدة لأم بعد ان نفاها ابنها في دار المسنين
هذي قصيده أم بعد أن وداها ولدها .. للمصحه ( دار العجزه ) .. أو كما يقااال ( دار النسيان ) .. أترككم مع القصيده وين أنت يا حمدان أمـك تناديـك وراك مـا تسمـع شكايـا وندايـا يا مسندي قلبي على الدوم يطريـك ما غبت عن عيني وطيفك سمايـا هذي ثلاث سنين والعيـن تبكيـك ما شفت زولك زايـر يـا ضنايـا تذكر حياتي يـوم أشيلـك وأداريك والأعبـك دايـم وتمشـي ورايـا ترقد على صوتي وحضني يدفيـك ما غيرك أحدٍ ساكن فـي حشايـا واليا مرضت أسهر بقربك وأداريك ما ذوق طعم النوم صبـح ومسايـا ياما عطيتك من حنانـي وبعطيـك تكبـر وتكبـر بالأمـل يـا منايـا لكن خساره بعتني اليـوم وشفيـك وأخلصت للزوجه وأنا لي شقايـا أنا أدري إنها قاسيـه مـا تخليـك قالت عجـوزك مـا أبيهـا معايـا خليتني وسط المصحه وأنا أرجيك هذا جزا المعروف وهـذا جزايـا يـا ليتنـي خدامـة بيـن أياديـك من شان أشوفك كل يوم برضايـا مشكور يا ولدي وتشكر مساعيـك وأدعـي لـك الله دايـم بالهدايـا حمدان يا حمـدان أمـك توصيـك أخاف من تلحق تشـوف الوصايـا أوصيت دكتور المصحه بيعطيـك رسالتـي وأحروفهـا مـن بكايـا وإن مت لا تبخل علـي بدعاويـك وأطلب لي الغفران وهـذا رجايـا وأمطر تراب القبر بدموع عينيـك ما عـاد ينفعـك النـدم والنعايـا م ن ق و ل حسبي الله وحده ونعم الوكيل .. منقووووول |
رد: قصيدة لأم بعد ان نفاها ابنها في دار المسنين
حسبي الله ونعم الوكيل
هذا جزا امك قديش تعبت فيك جايك يوم صعيب المنايا مثل عملت بامك ابنك يلاقيك يحطك بالمصحة وتقول هذا جزايا ****** يا حيف عالي ما يراعي حقوق الام |
رد: قصيدة لأم بعد ان نفاها ابنها في دار المسنين
بارك الله بك
الجزاء من جنس العمل كما تدين تدان |
رد: قصيدة لأم بعد ان نفاها ابنها في دار المسنين
|
رد: قصيدة لأم بعد ان نفاها ابنها في دار المسنين
قصيدة باللهجة العامية مفعمة بالإحساس
كيف لا والأم تموج بالعاطفة والحنان كيف حين تبوح ببعضها بوركت الراقية نور العيون على هذا النص المميز دمت مشرقة بالجديد والجميل |
الساعة الآن 04:30 PM. |
Powered by vBulletin® Copyright ©2000 - 2024