سبيط محشى ولا اطعم
السلام عليكم ورحمة الله وبركاته
اخواتى وبناتى الحبيبات عضوات وزائرات منتدانا الحبيب
انا اتعلمت اكلة جديدة من بورسعيد من بنتى وحبيبة قلبى روشانا
وهى سبيط محشى ولا اطعم
بس طبعا انا اضفت لمقاديرها شوية حاجات علشان
يبقى بصمتى
ندخل على
المقادير
سبيط كبير
بصل
طماطم
وعودين خضرة
ملح وفلفل
بودرة توم
وبودرة بصل
الطريقه:
بغسل السبيط كويس اوى وبقلبه وانظفه ثم ارجعه كما كان
بقطع البصل مش ببشره وبحط عليه الملح والفلفل وكمون وبودرة التوم وبودرة البصل
بدعكه كويس وبحط عليه نص كوب ماء واحطه على النار لحد ما يستوى
بجيب البصل والمقادير السابقة بعد ما استوى
واحشى السبيط
واخيط عليه من فوق يعنى تبقى السبيط مقفول على البصل ده
وده شكله بعد ما قفلتها كويس
بحط ميه فى الحله اللى فيها باقى البصل اللى كنت سويته واسيبه يغلى جدا وبعدين احط فيه السبيط المحشى بعد ما تغلى وتستوى اطلعها واسيبها تتصفى شويه وبعدين احطها فى صينية مدهونة بالسمن وادخلها فى الفرن حتى يحمر
واقدمها فى الاطباق
وبالف هنا وشفا
ملحوظة هامة خلى بالك بيكش كتير اوى
مع تحياتى
ام حمادة
للمزيد من مواضيعي