حاجات اول مره تعرفها

08-23-2017, 12:26 PM

الاميره يارا

تاريخ التسجيل: Jan 1970

المشاركات: 19,394

معدل تقييم المستوى: 10

حاجات اول مره تعرفها

#عاوز أتكلم عن موضوع مهم جدا أنا شخصيا ماكنتش مستوعبه من قبل :
#الإنسان الطبيعي بينزل بروتين في البول في 24 ساعة فيما لا يزيد عن #200مجم ده كل البروتينات
أما الألبيومين بينزل فقط طبيعي في بول 24 ساعة فيما لا يزيد عن #30مجم
#طيب احنا عارفين أن أحد أهم أسباب الفشل الكلوي في مصر هو السكر لفتر طويلة
#طيب أنا عندي مريض سكر عاوز أعرف الكلي بتاعته اتأثرت بالسكر ولا ايه
تقولي قيس له الكرياتينين انت تعرف ده معناه ايه يادكتور إن أنا هسيب السكر يضرب في الكلي الي أن يدمر أكثر من كلية ونصف بالكامل ويبدأ يضرب بعد كده في الربع الرابع من الكلي واجي أنا أقول للمريض ياعم الحاج انت عندك سكر بقالك 30 سنة والسكر أثر علي الكلة وعملك فشل كلوي وانت لازم تغسل والكرياتتينين الحمد لله علي اهو
يقوم عمي الحاج يقولك طب عالج لي الكلية يادكتور تقول له لا خلاص ياعم الحاج انت عندك CRF وده لا يعالج ده ياغسيل يازرع كلي
#طبعا المسخرة اللي فاتت دي ليه لأن الطبيب اعتمد علي اليوريا والكرياتتينين في تشخيص اصابة السكر للكلي واللي بيتأثر بعد خراب مالطة
#طب ايه الحل قالك السكر بيعمل زيادة في filtration ⬅يقوم مزود.GFR وممكن يضرب الكلي وينزل البروتين
طب ماأنا ممكن أقيس البروتين اللي نازل ده وخاصة الألبيومين خاصة اني عارف ان الألبيومين لا يزيد في البول في الناس الطبيعيين عن 30 مجم
ظهرت مشكلة أخري ان شريط البول لا يقيس الألبيومين اللي أقل من150 بس أنا لو استنيت لغاية ما الألبيومين اللي ينزل في البول يعدي ال150 الكلي برده هتكون اتأثرت جامد
#أخيرا وبعد ما طلع عيني في الكتابة وتأليف الفلم الأجنبي ده أقول لكم ان العلماء اكتشفوا جهاز يقيس الألبيومين اللي أقل من 150 مجم في البول وده التحليل يسمي #Microalbuminuria أو albumin / #creatinine ratio ليه سموه بهذا الإسم وازاي بيعملوه؟
قالك في الأول: نقيس الألبيومين بعينة واحدة في البول⬅ لقوا إنه لو الواحد شارب ماء كثير البول هيبقي diluted وبالتالي الألبيومين هيبقي قليل... ولو مش شارب ماء خالص البول هيبقي concentrated ونتيجة الألبيومين هتبقي عالية... قالوا خلاص يبقي ما ينفعشي بول عينة واحدة... خلاص نجيب بول 24 ساعة ونقيسه لقوا فعلا إن القياس ثابت ، نجيب عينة بول اليوم كله ونشوف ال volume ونقيسه الألبيومين في24 ساعة ونضربه في volume يطلع ال albumin في 24 ساعة.. ومشوا شويه علي الموضوع ده وبعدين لقوا إن معظم النتايج بيبقي فيها غلط في تجميع البول وحصلت مهازل بسبب هذا الأمر .. لقوا إن الموضوع ده مش نافع هو كمان قالوا خلاص نقيس الألبيومين في عينة واحدة بس نقيسها بالنسبة للكرياتينين في البول وبالتالي لو المريض شارب مياه كثير البول هيبقي diluted وبالتالي الألبيومين هيبقي قليل بس هيقل الكرياتينين برده اللي في المقام... ولو مش شارب خالص البول هيبقي concentrated ونتيجة الألبيومين هتبقي عالية وبالمثل هيعلي نسبة الكرياتينين في المقام التغيير في البسط يساوي المقام وبالتالي هذا التغيير لن يؤثر علي نتيجة الألبيومين في البول وبالفعل أصبحت هذه هي الطريقة المعتمدة
Albumin / creatinine ratio or (micralbuminaemia) .
#طب ده فايدته ايه بكتشف تأثير السكر علي الكلي مبكرا(diabetic nephrobathy) وطب وده فايدته ايه برده يوجد علاج بيقلل المشكلة دي في المراحل الأولي للمرض
#حد يعرف ايه هو الدوا ده وبيشتغل ازاي؟؟؟؟
ده بيعالجوه ب ACEI وده بيعمل efferent VD وبالتالي هيقلل البروتين اللي نازل من الكلة في البول فهيحافظ علي الكلي
التحليل ده يتعمل بعد 5سنين من تشخيص النوع الأول وفور تشخيص النوع الثاني ويكرر كل ستة أشهر

الموضوع الأصلي : حاجات اول مره تعرفها المصدر : منتديات الاميرة يارا الكاتب : الاميره يارا

المصدر: منتديات الاميرة يارا - من قسم: منتدى الطب والصحه

ph[hj h,g lvi juvtih

المواضيع المتشابهه
الموضوع	كاتب الموضوع	المنتدى	الردود	آخر مشاركة
معلومات غريبة جدا لن تعرفها من قبل	الاميره يارا	منتدى الصور العامه	0	11-30-2014 10:00 AM

يتصفح الموضوع حالياً : 1 (0 عضو و 1 زائر)

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

#عاوز أتكلم عن موضوع مهم جدا أنا شخصيا ماكنتش مستوعبه من قبل : #الإنسان الطبيعي بينزل بروتين في البول في 24 ساعة فيما لا يزيد عن #200مجم ده كل البروتينات

للمزيد من مواضيعي