منتدى عرباوي

الانتقال للخلف   منتديات الاميرة يارا > القسم الفلسطيني > منتدى مدينة نابلس العام > منتدى قهوة بلدنا - قهوة نابلس

منتدى قهوة بلدنا - قهوة نابلس كل ما يتعلق بالحياه وعادات وتقاليد اهل نابلس

ليش كلنا منحب نابلس و أهل نابلس

ليش كلنا منحب نابلس و أهل نابلس 1. لانه كل المحلات في البلد والقهاوي والتكسيات لازم بسمعوا ام كلثوم اخر النهار. وصحاب المحلات حتى اصحاب البسطات بكونو حاطين

إضافة رد
قديم 08-24-2011, 09:59 PM
  #1
فرفووش
 
تاريخ التسجيل: Aug 2011
المشاركات: 2
معدل تقييم المستوى: 0
فرفووش is on a distinguished road
افتراضي ليش كلنا منحب نابلس و أهل نابلس
انشر علي twitter

ليش كلنا منحب نابلس و أهل نابلس



1. لانه كل المحلات في البلد والقهاوي والتكسيات لازم بسمعوا ام كلثوم اخر النهار. وصحاب المحلات حتى اصحاب البسطات بكونو حاطين نفس تمباك باب المحلات وقاعدين اخر النهار


2. لانه وانتا ماشي بالخان كل صحاب المحلات بقولولك اتفضلو عمي. او تفضل عالمؤسسة


3. لانه في نابلس بتقدر تعيش نهار كامل (تفطر حمص وتتغدا عجه وتتعشا فلافل وتميل عقهوه وتسحب نفس تمباك او معسل ) بس حركة 15 شيكل


4. لانه في نابلس شو ما يصير اجتياحات ويدخلو اليهود بتلاقي انه الناس بعدها بدها تعيش وبعد ما يطلعو اليهود بتلاقيهم عبو البلد والشوارع. وكل واحد بحكي عن بطولاته مع الجيش.


5. لانه في نابلس بسرعه بتنتشر الاشاعات والاخبار فش اشي مخبا يابا ! لانه في نابلس كل الناس بقربو لبعض وكل الناس بتعرف بعض وكل الناس بعرفو اخبار بعض.


6. لانه في نابلس كل الناس بتكون بتكزدر في البلد ليلة وقفة العيد ومعجوقين .ومش شارين اشي.


7. لانه في نابلس في كنافه ومدلوئه وكلاج وعوامه وقطايف و نواشف و بلوريه وكل الاحلويات الزاكيه.


8. لانه في نابلس بتكون مصاحب تنين ما الهم علاقه في بعض بعد مده طويله بتكتشف يا انهم قرايب يا انهم بعرفو بعض من زمان يعني البلد شبكة.


9. لانه في نابلس في عكوب والزلام قبل النسوان بعكبو لما يبلش موسم العكوب .وكل الناس بتخزن ابصر اكم كيلو لطول السنه.


10. لانه في نابلس اللبن تلت انواع نعاج وسمار وبقر. وبيجي في مرتبانات قزاز ولازم تاخد معك الفاضي لما بدك تشتري لبن لانه ما برضى يعطيك اياه صاحب المحل بدون الفاضي او بحطلك اياه بكيس.


11. لانه في نابلس كل الناس في النهار بتكون تكزدر وتلفلف في البلد وفي الليل نفس الشباب والبنات بتلاقيهم بكزدرو في رفيديا.!


12. لانه في نابلس اول ما تتعرف على حد جديد يا بشبه عليك يا بسألك عن واحد من عيلتك شو بقربلك يا بقولك "شو بئربولك دار فلان الي فاتحين ابصر وين"


13. لانه كل شوارع نابلس مفتوحه عبعض يعني مستحيل تضيع بنابلس ولو تضيع وتسأل واحد في الشارع عن المكان الي رايح عليه بتلاقي كل الي في الشارع صارو يدلوك ومن كل قلبهم بكونو نفسهم ما تضيع وتوصل للمكان الي بدك اياه.


14. لانه في نابلس لما تصير طوشه بتلاقي نص مليون واحد متجمعين. وكل واحد بسأل التاني شو في؟


15. لانه من نابلس ابراهيم طوقان وفدوى طوقان ولانه كتير ناس مشاهير عيلتهم النابلسي


او عيلتهم بتلاقي اصلها من نابلس ولانه في نابلس مكتبة البلديه وجامعة النجاح وفي نابلس كمان


حارة الاريون وحارة الياسميه والحمام التركي وحمام السمرا و في الصابونه النابلسية ولانه نابلس من المدن العريقه في الوطن العربي.


16. لانه نابلس من اول المدن الي كان فيها سينما يعني سيدي الي عمره 70 سنه لحق السينما بايام شبابه وبس هالايام ما في ولا سينما شغاله.


17. لانه عند كل الناس غدا العرس يوم العرس الا عند اهل نابلس تاني يوم العرس .


و لإنه بس أهل نابلس بغنوا إمه يا إمه في العرس و المباركة و بدونها ما بنفع العرس


18. لانه في نابلس تالت يوم العزا بعملو دلايل وبجيبو كنافه .


19. لانه كل اهل نابلس بحبو نابلس وما بحبو يطلعو منها .


20. لانه في نابلس دايما بتلاقي تنين صحاب واحد نابلسي والتاني فلاح ودايما متناقرين بس عن مزح


21. لانه في نابلس اغلب شفيرة التكاسي بسمعو لمصطفى كامل !


22. لانه لهجة اهل نابلس فش زيها و في مصطلحات فش زيها " الله يزلك " ، "ومووتيي" وابصر شو !


23. لانه في نابلس في ناس من 3 اديان عايشين ومبسوطين وعمره ما صار بينهم مشاكل(مسلمين ومسيحيه وسمرا)


24. لانه في نابلس لما تشتريلك لبسه وتفكر حالك جايب اشي جديد تاني يوم بتلاقي نص شباب البلد لابسين نفس اللبسه.


25. لانه في نابلس ما بدفي الدنيا شوي الا بتلاقي كل اهل نابلس يوم الجمعه نزلو عالباذان


26. لانه في نابلس ما بفتح مطعم جديد او قهوه جديده بتلاقي كل الشباب راحو عليه . وبعد شهر ببطل يفوت عليه حد .


27. لانه في نابلس اذا فتح محل اشي جديد ومشيت معه كلها شهر زمان وبتلاقي نص اهل البلد فتحو محلات متله.


28. لانه كل شباب نابلس يا بشجعو ريال مدريد يا برشلونه .ودايما متناقرين.


29. و لإنه البنت بتاخد كل حقها من الميراث إلا إزا اتخلت عنه برضاها
للمزيد من مواضيعي

 

الموضوع الأصلي : ليش كلنا منحب نابلس و أهل نابلس         المصدر : منتديات الاميرة يارا         الكاتب : فرفووش



gda ;gkh lkpf khfgs , Hig gl]m

فرفووش غير متواجد حالياً  
رد مع اقتباس
قديم 08-25-2011, 12:22 AM
  #2
ساحرة القلوب
 الصورة الرمزية ساحرة القلوب
 
تاريخ التسجيل: Apr 2011
المشاركات: 5,512
معدل تقييم المستوى: 10
ساحرة القلوب is on a distinguished road
افتراضي

فرفوش


لكل منا وجهة نظر
وأنا وجهة نظري اني احب نابلس ليس لكل ما فيها
وانما لأنهم أحباب قلبي فيها

ويكفيني اذكر الماضي بما فيه
وأحلى ما فيه هو


لانه كل المحلات في البلد والقهاوي والتكسيات لازم بسمعوا ام كلثوم اخر النهار. وصحاب المحلات حتى اصحاب البسطات بكونو حاطين نفس تمباك باب المحلات وقاعدين اخر النهار


يسلمو على الموضوع الرائع

نورت
ساحرة القلوب غير متواجد حالياً  
رد مع اقتباس
قديم 08-25-2011, 12:29 AM
  #3
القيصر
 الصورة الرمزية القيصر
 
تاريخ التسجيل: Apr 2011
المشاركات: 1,011
معدل تقييم المستوى: 10
القيصر is on a distinguished road
افتراضي

فرفوش في البداية نرحب بك في بيتك التاني
وتشرفنا بتواجدك
اخي الكريم ..
نابلس تنفرد بكل شي مميز
ولها حضور واسع وهي المزار لفلسطينيي كافه
اشكرك على موضوعك الراقي
الف تحيه الك
القيصر غير متواجد حالياً  
رد مع اقتباس
قديم 08-25-2011, 01:05 AM
  #4
نور العيون
 الصورة الرمزية نور العيون
 
تاريخ التسجيل: May 2011
المشاركات: 12,509
معدل تقييم المستوى: 10
نور العيون is on a distinguished road
افتراضي

20. لانه في نابلس دايما بتلاقي تنين صحاب واحد نابلسي والتاني فلاح ودايما متناقرين بس عن مزح
ههههههههههههههه

هاد اكيد موجود

نورتنا ابو طارق ياميت هلا فيك

كلنا بنحب نابلس بدون ابداء اسباب
نور العيون غير متواجد حالياً  
رد مع اقتباس
قديم 08-25-2011, 11:49 AM
  #5
الاميره يارا
 الصورة الرمزية الاميره يارا
 
تاريخ التسجيل: Jan 1970
المشاركات: 19,394
معدل تقييم المستوى: 10
الاميره يارا is on a distinguished road
افتراضي

لانه في نابلس اغلب شفيرة التكاسي بسمعو لمصطفى كامل !

يااااااااااااااااااااااااااي الكل بحب نابلس وانا بنت نابلس شكراً فرفوش
اقل مروري تحياتي لك
الاميره يارا غير متواجد حالياً  
رد مع اقتباس
قديم 08-25-2011, 07:47 PM
  #6
فرفووش
 
تاريخ التسجيل: Aug 2011
المشاركات: 2
معدل تقييم المستوى: 0
فرفووش is on a distinguished road
افتراضي

اشكر لكم احبتي ردودكم الراقيه على موضوعي والذي اعتبره طلب اذن منكم للانضمام لمنتداكم الرائع
فهل لي مكان بينكم؟؟؟؟؟؟؟؟؟؟؟؟؟
فرفووش غير متواجد حالياً  
رد مع اقتباس
قديم 08-25-2011, 07:58 PM
  #7
نور العيون
 الصورة الرمزية نور العيون
 
تاريخ التسجيل: May 2011
المشاركات: 12,509
معدل تقييم المستوى: 10
نور العيون is on a distinguished road
افتراضي

بدها سؤال

انتا بتنورنا

ياميت هلا
نور العيون غير متواجد حالياً  
رد مع اقتباس
قديم 05-24-2014, 08:22 AM
  #8
نور العيون
 الصورة الرمزية نور العيون
 
تاريخ التسجيل: May 2011
المشاركات: 12,509
معدل تقييم المستوى: 10
نور العيون is on a distinguished road
افتراضي رد: ليش كلنا منحب نابلس و أهل نابلس

زمان عنك

وينك

ارجع نورنا
نور العيون غير متواجد حالياً  
رد مع اقتباس
إضافة رد

مواقع النشر

الكلمات الدليلية
لمدة, نابلس, كلنا


يتصفح الموضوع حالياً : 1 (0 عضو و 1 زائر)
 
أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى الردود آخر مشاركة
شرطة نابلس : وفاة شاب من قرية دير شرف غرب نابلس في ظروف غامضة نور العيون منتدى الاخبار 1 07-11-2013 08:42 PM
هي نابلس الاميره يارا منتدى صور مدينة نابلس 2 02-07-2012 08:19 PM
اعنية نابلس كلنا منحبك الاميره يارا منتدى مدينة نابلس العام 2 07-11-2011 07:16 PM
نابلس في صور عاشق كاظم الساهر منتدى صور مدينة نابلس 6 05-27-2011 08:46 PM
كلنا عشاق الاميره يارا منتدى الخواطر وهمس الكلام 6 05-23-2011 06:18 PM


الساعة الآن 10:42 PM.

converter url html by fahad

 



Powered by vBulletin® Copyright ©2000 - 2024