متاهات الأشواق .....

الاميره يارا

.
.
.




ذكرى تلوح بخافقي لوح براق
ساري وشوفه يستثير القريحه
.
إليا طرت بين على الجفن الارهاق
ومن العنا بانت رسوم صحيحه
.
صارت تقربها طيوف بالاعماق
يوم الليالي بالمواصل شحيحه
.
تحملت نفسي متاهات الاشواق
الله يعين أهل القلوب الجريحه
.
ويرفق بحال اللي شكت هم وفراق
غدر الليالي يزعج المستريحه
.
أكتب معاناتي على بيض الاوراق
وأختار بعض المفردات الفصيحه
.
للماضي اللي داخل الروح ينساق
وأستعذبه لافاح عطره وريحه
.
ياما علشانه جرى الدمع دفاق
دمع يجرح ناظري في مطيحه
.
طاب السهر للعين لاوقت الاشراق
يا عاذلي خل الحكي والنصيحه
.
خل الخفوق اللي من الوجد خفاق
يسج بأيام مضت له مليحه
.
بعض الحكي زود شجوني ولاراق
مثل السموم اللي يحرق لفيحه
.
ودي أحط اللي مضى بين الاحداق
ومن لامني يعل ربي يبيحه
.
أنا وحرفي لاجمل الوقت نشتاق
شوق النفوس الوافيات الصريحه

.

#شعر
الشاعرهـ / " سحايب العازمي "

للمزيد من مواضيعي